Инженерлерге арналған SCAD: Revit, ArchiCAD және Tekla BIM-модельдерін нақты есептеулерге қалай айналдыруға болады

Бүгінде есептеу кешендерінің барлығы дерлік BIM жүйелерімен интеграцияны ұсынады. Оның үстіне Tekla сияқты платформаларда кірістірілген есептеу модульдері бар. Бұл типтік міндеттерге: арқалықтарды, қарапайым рамаларды немесе стандартты жүктемелерді тексеруге жеткілікті.

Алайда инженерге Еурокодтарға сәйкес дәл әрі егжей-тегжейлі есеп жүргізу, стандартты емес конструкцияларды талдау немесе күрделі кеңістіктік схемаларды ескеру қажет болса, қарапайым шешімдер жеткіліксіз болады.

Сондықтан көптеген мамандар SCAD таңдайды. Бұл есептеу кешені есептердің күрделілігін шектемейді әрі нәтижелердің дәлдігі мен сенімділігін қамтамасыз етеді. SCAD — жүздеген мың еркіндік дәрежесі немесе бірегей конструктивтік шешімдер туралы болса да, инженерге өз жобасына сенімді болуға мүмкіндік беретін құрал.

Сонымен қатар SCAD жетекші BIM платформаларымен — Revit, ArchiCAD және Tekla — ыңғайлы интеграцияны қамтамасыз етеді. Аналитикалық модельдерді бірыңғай R2S форматына экспорттау жұмысты жеңілдетеді: модель қолмен түзетусіз және қате қаупін азайта отырып бірден есептеуге дайын болады. SCAD тапсырыс беру

Revit + SCAD: аналитикалық дәлдік Revit плагині есептеу схемасы үшін негізгі ақпаратты сақтай отырып, деректерді R2S форматына экспорттайды:

Экспорттау кезінде аналитикалық модельдің мына деректері беріледі:

• түйіндердің координаталары мен байланыстары;

• стержень элементтері үшін геометрия, жергілікті осьтердің бағыты, материал, қатаң кірістірулер мен топсалар туралы ақпарат беріледі. Қисық сызықты стерженьдер кәдімгі стерженьдер жиынтығымен жуықталады;

• пластина элементтері үшін геометрия (соның ішінде тесіктер туралы деректер), қалыңдық және материал туралы ақпарат экспортталады.

Жүктеу жағдайларын экспорттағанда тек “Hosted” жүктемелер, яғни элементке немесе түйінге тікелей байланыстырылған жүктемелер ескеріледі.

Барлық жүктеу жағдайлары (атаулары сақталып) экспортталады.

Әр жүктеу жағдайында жаһандық координаталар жүйесінде жүктемелердің мына түрлерін экспорттау жүзеге асырылған (Revit элементтің жергілікті координаталар жүйесінде жүктемелер тағайындауды қолдамайды):

түйіндік жүктемелер;

• стерженьдер мен пластиналарға шоғырланған жүктемелер;

• стерженьдерге біркелкі таралған және трапеция тәрізді жүктемелер;

• пластиналарға сызық бойымен біркелкі таралған және трапеция тәрізді жүктемелер;

• пластиналарға таралған және трапеция тәрізді жүктемелер.

Осылайша Revit бағдарламасынан алынған есептік модель SCAD ортасына мүмкіндігінше дұрыс беріліп, әрі қарайғы талдауға дайын болады.

ArchiCAD + SCAD: көпқабатты конструкциялармен дұрыс жұмыс ArchiCAD бағдарламасынан SCAD ортасына экспорттау да R2S арқылы ұйымдастырылған. Мына деректер беріледі:

стержень элементтері үшін геометрия мен жергілікті осьтердің бағыты туралы ақпарат беріледі. Дөңгелек немесе тікбұрышты көлденең қимасы бар стерженьдер үшін экспорт кезінде тиісті қаттылық параметрлері жасалады. Пішіні тікбұрыштан өзгеше көлденең қималар үшін стержень элементі жасалады, бірақ оның көлденең қима пішіні көрсетілмейді;

• пластина элементтері үшін геометрия (соның ішінде тесіктер туралы деректер) және көтергіш қабаттар қалыңдықтарының қосындысына тең қалыңдық экспортталады. Көпқабатты материалдардың әрлеу қабаттары қалыңдықты есептегенде де, пластина төбелерінің координаталарын анықтағанда да ескерілмейді. Қисық пластиналар кәдімгі пластиналар жиынтығымен жуықталады. Қалыңдығы біркелкі емес пластиналар үшін экспорт кезінде орташа қалыңдық қолданылады.

Бұл көтергіш қабаттарды дұрыс ескеру маңызды болатын көпқабатты қабырғалар және жабындармен жұмыс істегенде әсіресе ыңғайлы.

Tekla + SCAD: күрделі конструкциялар — шектеусіз Tekla мен SCAD интеграциясы ең алдымен металл конструкциялар үшін сұранысқа ие. TeklaToSCAD плагині мыналарды экспорттайды:

• түйіндердің координаталары мен берілген байланыстар;

• стержень элементтері үшін геометрия (әр элементтің басы мен соңының координаталары), жергілікті осьтердің бағыты, қатаң кірістірулер мен топсалар және материалдың физикалық қасиеттері. Қисық сызықты стерженьдер кәдімгі стерженьдер жиынтығымен жуықталады. Стержень қималарының мына түрлері экспортталады — параметрлік, металл прокат қималары және пайдаланушы қималары. Пайдаланушы қималары экспортталғанда Консул бағдарламасының көлденең қимасы түріндегі көрінісі жасалады. Металл прокаты қималарын экспорттау үшін SCAD және Tekla сортаменттерінің профиль сәйкестігі тізімі қолданылады;

• Пластина элементтері үшін геометрия (соның ішінде тесіктер туралы деректер), қалыңдық және материал туралы ақпарат экспортталады;

Абсолютті қатты денелер туралы деректерді экспорттауға болады. Барлық жүктеу жағдайлары атауларымен бірге экспортталады.

Әр жүктеу жағдайында жүктемелердің мына түрлері экспортталады:

түйіндік жүктемелер (күштер мен моменттер);

жаһандық және жергілікті координаталар жүйелерінде стерженьдерге шоғырланған және таралған (біркелкі және трапеция тәрізді) жүктемелер;

жергілікті координаталар жүйесінде пластиналарға шоғырланған жүктемелер;

пластина жиегіне сызық бойымен таралған жүктемелер;

жергілікті координаталар жүйесінде пластиналарға біркелкі таралған және трапеция тәрізді жүктемелер;

стерженьдерге температуралық жүктемелер.

Жүктемелермен жұмыс ерекшелігін бөлек атап өткен жөн: Tekla оларды полигондар (пластиналар үшін) және кесінділер (сызықтық жүктемелер үшін) түрінде, төбелердегі күштер немесе моменттер мәндерін көрсетіп сипаттайды.

Сондықтан мұндай жүктемелер полигондар немесе кесінділер төбелері есептік модельдегі плитаның түйіндерімен сәйкес келгенде дұрыс экспортталады. Іс жүзінде бұл есептеуге кедергі келтірмейді, бірақ бастапқы модельді құруда мұқият болуды талап етеді.

Неліктен SCAD? SCAD — жай ғана есептеу модулі емес. Ол ақырлы элементтер әдісіне негізделген беріктікке талдау және жобалаудың біріктірілген жүйесі.

Оның артықшылықтары:

• қуатты есептеу процессорының арқасында есептеулердің жоғары жылдамдығы;

ақырлы элементтердің дамыған кітапханасы (стержень, пластина, көлемдік және құрама конструкциялар);

орнықтылықты талдау, кернеулі күйді тексеру, күштердің есептік комбинацияларын қалыптастыру;

• арматураны таңдау және металл конструкцияларын тексеруге арналған арнайы модульдер;

• нәтижелерді визуализациялаудың бай графикалық құралдары (деформациялар, эпюралар, изоөрістер);

есептер мен деректерді Word, Excel, AllPlan бағдарламаларына экспорттау.

SCAD Қазақстанда қабылданған Еурокодтарға сәйкес келеді және жаңа жобалау компоненттерін қосып, есептеу мүмкіндіктерін кеңейте отырып тұрақты дамуда. Бұған қоса, Қазақстанның ерекшеліктерін ескере отырып, сейсмикалық әсерлерді есепке алуға мүмкіндік береді.

CAD.kz арқылы SCAD Office бағдарламасын қашықтан сынап көре аласыз Иә, тіпті компьютеріңізге орнатудың қажеті жоқ. Ол үшін өзіңізге ыңғайлы күн мен уақытты брондаңыз, біз қашықтан қосылуды ұйымдастырамыз.

Сұрақ қою немесе кеңес алу қажет болса, Whatsapp арқылы хабарласа аласыз .

Қорытынды Қарапайым конструкцияларды кез келген жерде есептеуге болады. Бірақ жеңілдетілген модельдермен шектелгіңіз келмесе және әсіресе стандартты емес әрі күрделі жобалар үшін есептеулердің дұрыстығына сенімді болғыңыз келсе, SCAD — дұрыс таңдау.

Revit, ArchiCAD және Tekla жүйелерімен интеграция ыңғайлылық береді, ал SCAD бағдарламасының есептеу қуаты мен дәлдігі нәтижеге сенімділік сыйлайды.